§ 1. Віды графічных відарысаў
З дапамогай якіх сродкаў людзі перадаюць адзін аднаму розную інфармацыю? Як вы лічыце, што такое графічны відарыс? - Вы даведаецеся: пра графічную мову; віды графічных відарысаў і іх ролю ў перадачы інфармацыі пра прадметны свет; пра графічныя відарысы, прызначаныя для перадачы тэхнічнай і тэхналагічнай інфармацыі пра вырабы.
- Вы навучыцеся: распазнаваць віды графічных відарысаў.
Практычная работа № 1.
Графічныя відарысы ў жыцці чалавека
Выкарыстоўваючы выяўленчыя сродкі (каляровыя алоўкі, фламастары, фарбы, каляровую паперу, выразкі з часопісаў і інш.), выканайце калаж на тэму «Графічныя рысункі ў жыцці чалавека».