Пастаянны электрычны ток
Пастаянны ток — мадэль электрычнага току, у якой сіла току не залежыць ад часу пры нязменным размеркаванні зараду ў правадніку.
Тэрмін «электрычны ток» і азначэнне напрамку току ўведзены Андрэ Мары Амперам у 1820 г.
Электрычны ток — накіраваны (упарадкаваны) рух зараджаных часціц — носьбітаў зараду.
• Сіла току — фізічная скалярная велічыня, роўная адносінам зараду, які прайшоў праз папярочнае сячэнне правадніка за некаторы прамежак часу, да гэтага прамежку часу.
• За напрамак электрычнага току ўмоўна прыняты напрамак упарадкаванага руху дадатна зараджаных часціц.
• Сіла току на аднародным участку ланцуга прама прапарцыянальная напружанню, прыкладзенаму да гэтага ўчастка, і адваротна прапарцыянальная яго супраціўленню:
(Закон Ома для ўчастка электрычнага ланцуга.)
Супраціўленне правадніка прама прапарцыянальнае яго даўжыні і адваротна прапарцыянальнае плошчы папярочнага сячэння:
Злучэнне праваднікоў
паслядоўнае
паралельнае
;
;
У 8-м класе вы навучыліся збіраць электрычныя ланцугі і ведаеце, што абавязковымі іх звёнамі з’яўляюцца крыніца току і спажывец. Крыніца току забяспечвае патрэбнае напружанне на спажыўцы — прыладзе, у якой трэба стварыць электрычны ток і выкарыстаць нейкія з яго дзеянняў: цеплавое, хімічнае, магнітнае, светлавое. У дадзеным раздзеле мы разгледзім умовы існавання току і працэсы, якія адбываюцца ў электрычным ланцугу, увядзём характарыстыкі крыніцы току. Гэта стала магчымым пасля вывучэння характарыстык электрастатычнага поля.