Біялогія. 10 клас

У пачатку дадзенага раздзела разглядаюцца аднаклетачная, сіфонавая, каланіяльная і мнагаклетачная формы арганізацыі арганізмаў. Далей прыводзіцца характарыстыка будовы і функцый тканак раслін, разглядаюцца асаблівасці будовы вегетатыўных і генератыўных органаў у споравых і насенных раслін. Затым даецца кароткае апісанне будовы нервовай, эпітэліяльнай і мышачнай тканак, а таксама тканак унутранага асяроддзя ў пазваночных жывёл. Завяршаецца раздзел параўнальнай характарыстыкай будовы стрававальнай, крывяноснай, дыхальнай і выдзяляльнай сістэм у жывёл.