Беларуская мова. 11 клас

Прачытайце. Спішыце сказы, расстаўляючы знакі прыпынку ў адпаведнасці з пунктуацыйнымі нормамі. Патлумачце пастаноўку знакаў прыпынку.

1. Не памыляўся маладым не быў (М. Чарняўскі). 2. Іду па Нямізе. Нямігі няма глыбока ў бетоне булькоча рачулка (С. Грахоўскі). 3. Свет зіхаціць вясноваю красой да слёз кранае росная былінка! (У. Карызна). 4. Вучоныя падлічылі на тэрыторыі Беларусі агульныя запасы падземнай^с прэснай вады складаюць 16-18 мільярдаў кубічных метраў (У. Ягоўдзік). 5. Так і ў жыцці бягуць часіны ліхія добрыя хвіліны адна змяняецца другою (Я. Колас). 6. Жыве зямля сваім жыццём бясконцым шумяць лясы цвітуць сады наўсцяж (Л. Галубовіч).