§ 46. Шчолачныя металы
Шчолачныя металы — s-элементы IA-групы з агульнай электроннай канфігурацыяй валентных электронаў слоя атама ns1, за выключэннем вадароду.
Утвараюць злучэнні з іонным тыпам хімічнай сувязі, у якіх праяўляюць ступень акіслення толькі +1.
Валодаюць самай нізкай электраадмоўнасцю і таму самай высокай хімічнай актыўнасцю. Энергічна ўзаемадзейнічаюць з вадой з вылучэннем вадароду і шчолачаў.
Аксіды і гідраксіды валодаюць асноўнымі ўласцівасцямі.
Солі, як правіла, не афарбаваныя і добра растваральныя ў вадзе.
Металы атрымліваюць з прыродных злучэнняў метадам электролізу расплаву солей або гідраксідаў.