§ 38. Азотная кіслата
Пытанні, заданні, задачы
1. Выпішыце з тэксту параграфа восем формул нітратаў.
2. Пералічыце найважнейшыя фізічныя ўласцівасці азотнай кіслаты.
3. Укажыце афарбоўку раствору азотнай кіслаты пры дадаванні:
- а) лакмусу;
- б) метыларанжу.
4. Складзіце формулы нітратаў магнію, літыю, жалеза(III), барыю.
5. Прааналізуйце магчымасць працякання рэакцый у растворы паміж азотнай кіслатой і солямі: хларыд калію, карбанат калію, сульфід натрыю, сульфат натрыю.
6. Складзіце ўраўненні рэакцый у малекулярнай і іоннай формах паміж азотнай кіслатой і рэчывамі, формулы якіх: Fe2O3, Са(ОН)2, МgСО3.
7. Разлічыце масу солі, якую можна атрымаць у выніку ўзаемадзеяння медзі і раствору масай 50 г з масавай доляй азотнай кіслаты 60 % (кіслата канцэнтраваная).
8. Метадам электроннага балансу расстаўце каэфіцыенты ва ўраўненнях рэакцый з удзелам азотнай кіслаты:
- S + HNO3(канц) = H2SO4 + NO2↑ + H2O;
- Mg + HNO3(канц) = Mg(NO3)2 + N2↑ + H2O.
9. Запішыце ўраўненні рэакцый згодна са схемай:
- а) ;
- б) .
10. Які мінімальны аб’ём раствору азотнай кіслаты з масавай доляй 80 % і шчыльнасцю 1,45 г/см3 неабходны для растварэння серабра масай 4,32 г? Рэакцыя працякае паводле схемы:
Ag + HNO3 → AgNO3 + NO2↑ + H2O.