Хімія. 11 клас

*Пытанні, заданні, задачы

1. Разлічыце аб’ём (см³) і малярную канцэнтрацыю H₂SO₄ (моль/дм³) пры 20 °С раствору з ρ = 1,550 г/см³, атрыманага змешваннем 50 см³ вады (ρ = 0,9982 г/см³) з 50 см³ 100%-най сернай кіслаты (ρ = 1,8305 г/см³).

2. Раствор азотнай кіслаты аб’ёмам 50 см³ з масавай доляй HNO3 кіслаты 0,11 (ρ = 1,060 г/см³) змяшалі з растворам азотнай кіслаты аб’ёмам 50 см³ з масавай доляй HNO₃  0,67 (ρ = 1,400 г/см³). Разлічыце аб’ём (см³), масавую долю (у %) і малярную канцэнтрацыю HNO₃ (моль/дм³) у атрыманым растворы, аб'ём раствору (см³), калі яго шчыльнасць роўная 1,264 г/см³.

3. Пры 20 °С чысты этылавы спірт аб’ёмам 40 см³ і шчыльнасцю 0,7893 г/см³ разбавілі вадой (ρ = 0,9982 г/см³) да аб’ёму 100 см³. Укажыце аб’ём вады, неабходны для гэтага, а таксама масавую долю спірту ў атрыманым растворы, калі яго шчыльнасць складае 0,9481 г/см³.

4. Раствор хлоравадароднай кіслаты аб’ёмам 100 см³ з масавай доляй HCl 30 % (ρ = 1,149 г/см³) пасля паглынання некаторай масы газападобнага HCl ператварыўся ў раствор з масавай доляй 40 % (ρ = 1,198 г/см³). Укажыце масу паглынутага HCl, а таксама аб’ём і малярную канцэнтрацыю HCl (моль/дм³) у атрыманым растворы.

5. Да раствору  аб’ёмам 100 см³ з масавай доляй ZnSO4 6 % (ρ = 1,062 г/см³) дадалі некаторую масу цынкавага купарвасу ZnSO₄ · 7H₂O і атрымалі раствор з масавай доляй ZnSO₄ 30 % (ρ = 1,378 г/см³). Укажыце масу ўзятага ZnSO₄ · 7H₂O, а таксама аб’ём атрыманага раствору і малярную канцэнтрацыю ZnSO4 у ім (моль/дм³) .

6. Пры 25 °С да чыстага ацэтону (ρ = 0,786 г/см³) масай 78,6 г дадалі такі ж аб’ём вады (ρ = 0,997 г/см³). Укажыце масу і аб’ём атрыманага раствору, калі яго шчыльнасць склала 0,929 г/см³. Разлічыце малярную канцэнтрацыю ацэтону.

7. Пры 20 °С да раствору хлоравадароднай кіслаты аб’ёмам 100 см³ з масавай доляй HCl 36 % (ρ = 1,174 г/см³) дадалі такі ж аб’ём вады (ρ = 0,998 г/см³). Укажыце масу, масавую долю і малярную канцэнтрацыю HCl у атрыманым растворы, а таксама аб'ём раствору, калі яго шчыльнасць склала 1,095 г/см³.

8. Растваральнасць кіслароду ў вадзе складае 4,89 см³/100 см³ пры н. у. Улічваючы, што аб’ёмная доля кіслароду ў паветры роўная 21 %, укажыце аб’ём, масу, масавую долю і малярную канцэнтрацыю (моль/дм³) кіслароду ў вадзе аб’ёмам 1 дм³, аэраванай пры н. у. паветрам.

9. Пры 20 °С да раствору азотнай кіслаты аб’ёмам 500 см³ з масавай доляй HNO₃ 76,2 % (ρ = 1,438 г/см³) дадалі такі ж аб’ём раствору аміяку з масавай доляй NH₃ 33,5 % (ρ = 0,882 г/см³). Укажыце малярную канцэнтрацыю рэчываў (моль/дм³) у зыходных растворах. Укажыце масу, масавую долю і малярную канцэнтрацыю NH4NO3 (моль/дм³) у атрыманым растворы, калі яго шчыльнасць склала 1,279 г/см³.

10. Пры 20 °С да раствору хлоравадароднай кіслаты аб’ёмам 500 см³ з масавай доляй HCl 35,4 % (ρ = 1,176 г/см³) дадалі такі ж аб’ём раствору гідраксіду натрыю з масавай доляй NaOH 33,4 % (ρ = 1,365 г/см³). Укажыце малярную канцэнтрацыю HCl і NaOH (моль/дм³) у зыходных растворах. Укажыце масу, масавую долю і малярную канцэнтрацыю рэчываў у атрыманым растворы, калі яго шчыльнасць склала 1,199 г/см³.