Хімія. 11 клас

Пытанні, заданні, задачы

1. Ці змяняюцца масавая доля растворанага рэчыва і яго малярная канцэнтрацыя пры змяненні тэмпературы раствору?

2. Разлічыце масавую долю солі ў растворы, атрыманым пры растварэнні 30 г солі ў 270 г вады.

3. Разлічыце масу хларыду натрыю і аб’ём дыстыляванай вады, неабходных для прыгатавання фізіялагічнага раствору масай 20 кг з масавай доляй солі 0,9 %.

4. Разлічыце малярную канцэнтрацыю рэчыва ў растворы аб’ёмам 2,5 дм³, калі ў ім утрымліваецца гідраксід калію:

• а) колькасцю 0,75 моль;
• б) масай 42,0 г.

5. Разлічыце масавую долю берталетавай солі KClO₃ ў яе насычаным растворы. Растваральнасць солі пры 10 °С складае 5 г на 100 г вады.

6. Разлічыце масавую долю сульфату натрыю ў растворы, атрыманым пры растварэнні ў вадзе масай 500 г крышталегідрату Na₂SO₄ ∙ 10H₂O масай 16,1 г.

7. У вадзе масай 50 г растварылі серную кіслату масай 50 г. Разлічыце масавую долю і малярную канцэнтрацыю кіслаты ў растворы, калі яго шчыльнасць роўная 1,395 г/см³.

8. Разлічыце аб’ём (см³) і малярную канцэнтрацыю (моль/дм³) пры 20 °С раствору з ρ = 1,55 г/см³, атрыманага змешваннем 50 см³ вады (ρ = 1,00 г/см³) з 50 см³ сернай кіслаты (ρ = 1,83 г/см³).

9. Масавая доля сернай кіслаты ў растворы роўная 0,620, а яе малярная канцэнтрацыя складае 9,61 моль/дм³. Чаму роўны аб’ём (см³) гэтага раствору масай 200 г?

10. Раствор масай 450 г з масавай доляй сульфату жалеза(II), роўнай 30,0 %, астудзілі, у выніку чаго з гэтага раствору вылучыўся асадак FeSO₄ ∙ 7H₂O масай 99,0 г. Чаму роўная масавая доля (у %) сульфату жалеза(II) у растворы над асадкам крышталегідрату?