§ 2. Простыя і складаныя рэчывы. Рэчывы малекулярнай і немалекулярнай будовы
Неарганічныя рэчывы па хімічным саставе дзеляцца на простыя і складаныя. Рэчывы маюць малекулярную або немалекулярную будову. Структурнай адзінкай рэчыва малекулярнай будовы з’яўляецца малекула, немалекулярнай — формульная адзінка.
Кожная малекула або формульная адзінка характарызуецца сваім якасным і колькасным саставам.
Колькаснай характарыстыкай малекулы з’яўляецца адносная малекулярная маса Mr, формульнай адзінкі — адносная формульная маса Mr.