*§ 0-10. Сказы з параўнальнымі зваротамі, іх сэнсава-стылістычная роля і тэкстаўтваральныя магчымасці
Практыкаванне 4
Прачытайце верш. Вызначце яго асноўную думку.
Няпраўда, што жыццё складаецца з гадоў.
Яно — адзін міг.
З імгненняў і будуецца,
Як чалавек з атамаў,
Як вулей — з сотаў,
Як кіно — з кадраў.
Як альбом — з фотак...
Як жа падабраць тыя мігі,
каб не рассыпаліся?
Як жа сабраць тыя мігі,
каб вымасціць дарогу ў рай?
У. Ліпскі.
Якой часцінай мовы з’яўляецца як у вершы? Вызначце, канструкцыі з як з’яўляюцца параўнальнымі зваротамі ці параўнальнымі часткамі складанага сказа.
Паспрабуйце адказаць на пытанні аўтара тэксту, выкарыстоўваючы параўнальныя канструкцыі.
Да якой групы лексікі адносіцца слова фотка?
•Выпішыце з тэксту тры словы з арфаграмамі, напісанне якіх адпавядае фанетычнаму прынцыпу.
•Растлумачце пастаноўку працяжніка ў сказах.