§ 15. Асновы працоўнага права
1. Складзіце схематычны працоўны дагавор аб прыёме на працу прадаўца ў магазін кветак, улічыўшы абавязковыя ўмовы працоўнага дагавора.
2. Прадавец магазіна кветак Алена сышла ў адпачынак 15 чэрвеня. Вызначце, у які дзень яна выйдзе на працу, калі вядома наступнае:
- працягласць адпачынку Алены складае мінімум, устаноўлены заканадаўствам;
- згодна з Працоўным кодэксам Рэспублікі Беларусь, дзяржаўныя святы і святочныя дні (абвешчаныя непрацоўнымі днямі), што прыпадаюць на перыяд працоўнага адпачынку, у лік каляндарных дзён адпачынку не ўключаюцца. Калі ў перыяд адпачынку сустракаецца такі дзень, то пры падліку дзён адпачынку дадаецца яшчэ адзін дзень.
3. Сяргей чатыры месяцы таму працаўладкаваўся поварам у рэстаран, заключыўшы з наймальнікам кантракт тэрмінам на тры гады. Аднак некалькі дзён таму ён атрымаў больш выгадную прапанову адносна працаўладкавання. Вызначце, ці можа Сяргей скасаваць кантракт па ўласным жаданні.
4. У чым заключаюцца станоўчыя і адмоўныя аспекты працоўнага дагавора, заключанага на няпэўны тэрмін, і тэрміновага працоўнага дагавора (кантракта) для кожнага з бакоў — работніка і наймальніка?
Выканайце міні-праект «Сацыяльны адпачынак». Правядзіце даследаванне мэт і ўмоў прадастаўлення сацыяльнага адпачынку. Аформіце вынік у выглядзе плаката.