§ 13. Асновы грамадзянскага права
1. Вызначце, ці можна лічыць грамадзянска-прававымі адносіны, што ўзніклі пры наступных абставінах:
- кантралёр выявіў у трамваі пасажыра, які ехаў без білета, і прад’явіў яму патрабаванне аб выплаце штрафу за безбілетны праезд;
- грамадзянін X, зарэгістраваны як індывідуальны прадпрымальнік, займаўся рамонтам гадзіннікаў. Для ажыццяўлення сваёй дзейнасці заключыў дагавор арэнды памяшкання і шэраг дагавораў, па якіх набыў камплектуючыя для рамонту;
- вучань 11 класа Y скапіраваў у інтэрнэце матэрыял і выкарыстаў яго пры падрыхтоўцы рэферата без спасылак на аўтара.
Адказы абгрунтуйце.
2. Запоўніце параўнальную табліцу грамадзянскай праваздольнасці і дзеяздольнасці фізічных і юрыдычных асоб (момант узнікнення і спынення, змест і межы ажыццяўлення).
3. Хто будзе несці маёмасную адказнасць за разбітае хлопчыкамі 13 і 15 гадоў у час гульні ў футбол шкло? Адказ абгрунтуйце.
4. Вызначце, якія з пералічаных аб’ектаў непаўналетні можа атрымаць у падарунак сам: веласіпед, кватэра, машына, камп’ютар, мабільны тэлефон. Аргументуйце свой выбар прававымі нормамі, што ўтрымліваюцца ў Грамадзянскім кодэксе.
Выканайце міні-праект «Я — індывідуальны прадпрымальнік». З дапамогай вэб-партала АДР (http://egr.gov.by) прааналізуйце патрабаванні да грамадзяніна, які жадае заняцца прадпрымальніцкай дзейнасцю, і запоўніце заяву на дзяржаўную рэгістрацыю ў якасці індывідуальнага прадпрымальніка.