*§ 11-0. Юрыдычныя навукі і прафесіі
Адвакат. Адвакат — гэта асоба, якая аказвае на прафесійнай аснове юрыдычную дапамогу фізічным і юрыдычным асобам з мэтай ажыццяўлення і абароны іх правоў і свабод.
Стаць адвакатам можа грамадзянін Рэспублікі Беларусь, які мае вышэйшую юрыдычную адукацыю і стаж працы па спецыяльнасці не меншы за тры гады, прайшоў стажыроўку і здаў кваліфікацыйны экзамен. Ажыццяўляць адвакацкую дзейнасць магчыма толькі на аснове спецыяльнага дазволу (ліцэнзіі).
Для таго каб паспяхова ажыццяўляць адвакацкую дзейнасць, неабходна не толькі валодаць ведамі ў галіне права, але і мець шэраг асабістых якасцей, якія дазваляюць паспяхова прадстаўляць інтарэсы заказчыка, упэўнена выступаць у судзе, весці перамовы і г. д.
Адвакаты ажыццяўляюць розную дзейнасць: праводзяць кансультацыі па прававых пытаннях, складаюць заявы, скаргі і хадайніцтвы, абслугоўваюць камерцыйныя аперацыі, прадстаўляюць інтарэсы фізічных і юрыдычных асоб у судовым працэсе і інш.
1. Адвакат мае права аказваць кліентам любую юрыдычную дапамогу, якая ім патрэбна.
2. Адвакат, выступаючы ў якасці прадстаўніка ці абаронцы, мае права:
- прадстаўляць правы і інтарэсы кліентаў, якія звярнуліся па юрыдычную дапамогу, у судах, дзяржаўных органах, іншых арганізацыях і перад фізічнымі асобамі;
- самастойна збіраць і прадстаўляць звесткі, якія датычацца акалічнасцей справы;
- рабіць запыт пра даведкі, характарыстыкі і іншыя дакументы, неабходныя ў сувязі з аказаннем юрыдычнай дапамогі, у дзяржаўныя органы і іншыя арганізацыі, якія абавязаны ва ўстаноўленым парадку выдаваць гэтыя дакументы або іх копіі;
- бесперашкодна і канфідэнцыйна кантактаваць сам-насам са сваім кліентам;
- заяўляць хадайніцтвы, падаваць ва ўстаноўленым парадку скаргі на дзеянні суда, дзяржаўных органаў і іншых арганізацый, службовых асоб, якія ўшчамляюць правы, свабоды і інтарэсы кліента, а таксама правы адваката пры ажыццяўленні ім прафесійных абавязкаў…