§ 40. Селекцыя і яе роля ў жыцці чалавецтва

1. Чым адрозніваюцца культурныя расліны і свойская жывёла ад іх дзікіх продкаў?

2. У выніку чаго з'явіліся культурныя расліны і свойская жывёла?

3. Як падтрымліваецца чысціня пароды пры развядзенні свойскай жывёлы?

4. У чым складаецца галоўнае адрозненне штучнага адбору, які ўжываў першабытны чалавек, ад таго, што ажыццяўляецца ў ходзе сучаснай селекцыі?

5. У чым заключаецца сутнасць індывідуальнага штучнага адбору? Масавага?

6. Што такое аўтбрыдынг і інбрыдынг? Калі і для чаго яны ўжываюцца?

7. Чаму аддаленая гібрыдызацыя рэдка прыводзіць да стварэння новых парод і сартоў? Як магчыма пераадолець бясплоддзе міжвідавых гібрыдаў?

8٭. У другой палове ХХ ст. шэраг краін (у прыватнасці, Мексіка і Індыя) здолелі павялічыць эфектыўнасць сваёй сельскай гаспадаркі ў 3—5 разоў за 15—20 гадоў. Гэту з’яву назвалі зялёнай рэвалюцыяй. Менавіта што стала асноўным у ажыццяўленні зялёнай рэвалюцыі? Выкарыстайце дадатковыя крыніцы інфармацыі.