§ 47. Вынікі эвалюцыі

1. На аснове ведаў, якія вы атрымалі пры вывучэнні біялогіі ў 6—10-м класах, прывядзіце прыклады, якія даказваюць прыстасаванасць арганізмаў да асяроддзя пражывання.

2. Чаму фарміраванне адаптацый у жывых арганізмаў з’яўляецца заканамерным вы­нікам эвалюцыйнага працэсу? Якія тыпы адаптацый вам вядомыя?

3. Дакажыце на прыкладах, што адаптацыі маюць адносны характар.

4. Чаму папуляцыі ўяўляюць сабой генетычна адкрытыя сістэмы, а віды — генетычна закрытыя?

5. Што такое мікраэвалюцыя і макраэвалюцыя?

6. Якія спосабы відаўтварэння вам вядомыя? Чым яны прынцыпова адрозніваюцца?

7*. Якую ролю ва ўтварэнні новых відаў адыгрываюць мутацыйная і камбінатыўная зменлівасць? Папуляцыйныя хвалі і дрэйф генаў? Ізаляцыя? Барацьба за існаванне і натуральны адбор?

8*. У прыродзе адны віды працяглы час захоўваюцца ў амаль нязменным выглядзе, а другія параўнальна хутка эвалюцыяніруюць і даюць пачатак новым відам. Як вы думаеце, з чым гэта можа быць звязана?