Беларуская мова. 10 клас

Прачытайце сказы з паэмы Я. Коласа «Сымон-музыка». Выпішыце спачатку сказы з эмацыянальнымі выклічнікамі, потым — з волевыяўленчымі і выклічнікамі этыкету. Вызначце, што перадаюць выклічнікі ў кожным сказе.

1. Ой, якія байкі баюць мне пясочкі! 2. Гайда, покі сілак хваціць, на прасторыну-разлог. 3. – Го, то кепска, мая кветка! – галавой матнуў жабрак. 4. – Віват, ксёнжа наш вяльможны! 5. Эге, не, мусіць, іначай! 6. – Ша, не плачце – будзе жыва. 7. А той замак – ух, махіна! 8. Бывай! 9. – Ну, расказвай! кажы смела, мой музыка малады: што ў цябе там зноў наспела?