§ 1-28. Утварэнне ступеней параўнання якасных прыметнікаў
Практыкаванне № 264-1
Прачытайце верш. Якія прыметнікі дапамагаюць аўтару ахарактарызаваць матулю?
Матуля
Самыя добрыя вочы — матчыны.
Самыя дбайныя рукі — матчыны.
Самае чуйнае сэрца — матчына.
Самая шчырая песня — матчына.
Самая светлая радасць — матчына.
Самая ціхая крыўда — матчына.
Самая цяжкая стома — матчына.
Самая вострая скруха — матчына.
Самыя горкія слёзы — матчыны.
Самы пякучы час — без яе.
М. Пазнякоў.
Растлумачце значэнне слова скруха.
У якой форме ўжываюцца прыметнікі ў тэксце? Вызначце, як яна ўтварылася. Ці можна замяніць складаную форму ступені параўнання прыметнікаў простай формай? Абгрунтуйце сваю думку.