Інфарматыка. 10 клас (Павышаны ўзровень)

 

1. Адкажыце на пытанні для прыкладу2.12.

1. Чаму ў праграме выкарыстаны тып  long long, а не тып int?
2. Увядзіце значэнне 123. Чаму атрымалі адмоўны вынік?
3. Для якога найбольшага ліку праграма выдае правільны адказ?
4. Што можна змяніць у праграме, каб не атрымаць адмоўныя значэнні?

2. Дадзены x, y. Напішыце праграму для вылічэння значэння арыфметычнага выразу.

1.        2.        3. 

3. Напішыце праграму для рашэння геаметрычнай задачы.

1. Знайсці даўжыню акружнасці і плошчу круга зададзенага радыуса. Значэнне ліку π можна вылічыць з роўнасці:   
2. Раўнабедраны трохвугольнік зададзены даўжынямі асновы і вышыні. Знайсці яго плошчу і даўжыню бакавой стараны.
3. Вылічыць плошчу кольца, унутраны радыус якога роўны R₁, а знешні  R₂. 
4. Трохвугольнік зададзены велічынямі сваіх вуглоў і радыусам апісанай акружнасці. Знайсці стораны трохвугольніка.

4. Напішыце праграму для рашэння фізічнай задачы.

1. Аўтамабіль праходзіць першую частку шляху даўжынёй S₁ км за t₁ мін, участак шляху даўжынёй S₂ км за t₂ мін і, нарэшце, участак даўжынёй S₃ км за t₃ мін. Знайдзіце сярэднюю скорасць аўтамабіля, адлюстраваную ў км/г.
2. Вызначыце паскарэнне, выкліканае сілай прыцягнення, на вышыні h = kR_З ад паверхні Зямлі (значэнне k уводзіцца), калі на паверхні Зямлі яго модуль g = 9, 81 м / с².

5. Напішыце праграму для рашэння хімічнай задачы.

1. У арганізме чалавека на долю атамаў кіслароду прыпадае 65 % ад масы цела. Знайдзіце масу атамаў кіслароду для сваёй масы цела.
2⃰. Маса аднаго атама кіслароду 26.56 ∙ 10⁻²⁷ (гэты лік у праграме на мове C++ запісваецца так: 26.56E–27, літара E — англійская). Вызначыце, колькі атамаў кіслароду змяшчаецца ў вашым целе.

6. Напішыце праграмы для рашэння задач. Выкарыстоўвайце аперацыі / и %.

1. Зададзены двухзначны лік. Знайдзіце сярэдняе арыфметычнае лічбаў ліку. 
2. Зададзены трохзначны лік. Знайдзіце суму лічбаў ліку. 
3. Дадзена маса ў грамах. Перавядзіце яе ў кілаграмы і грамы. 
4. Плошча ўчастка вымяраецца ў арах. Знайдзіце колькасць поўных км². 
5. З пачатку месяца прайшло m мін. Вызначыць, якое зараз чысло і колькі зараз часу (у гадзінах і мінутах).

7⃰. Для старарускай сістэмы вагі вядомыя наступныя суадносіны:

1 беркавец = 10 пудоў = 400 фунтаў = 38 400 залатнікоў

Напішыце праграму, якая пераводзіць масу, зададзеную ў залатніках, у фунты, пуды і беркаўцы.

8. Напісаць праграму, якая вызначыць f — вугал (у градусах) паміж становішчам гадзіннікавай стрэлкі ў пачатку сутак і яе становішчам у h г m мін (0 ≤ h < 12, 0 ≤ m < 60).

9. Ад пачатку сутак прайшло h поўных гадзін (0 ≤ h < 12). Вядома, што зараз паміж гадзіннікавай і мінутнай стрэлкамі вугал у f градусаў (0 ≤ f < 360, f — цэлы лік). Колькі зараз можа быць мінут?

10. Напішыце праграмы для рашэння задач.

1. Дадзены цэлы лік а. Не карыстаючыся ніякімі іншымі арыфметычнымі дзеяннямі, акрамя множання, атрымаць а⁹ за чатыры аперацыі. 
2. Дадзены цэлы лік а. Не карыстаючыся ніякімі іншымі арыфметычнымі дзеяннямі, акрамя множання, атрымаць а², а⁵ і а¹⁷ за шэсць аперацый. 
3. Дадзены цэлы лік а. Не карыстаючыся ніякімі іншымі арыфметычнымі дзеяннямі, акрамя множання, атрымаць а¹⁵ за пяць аперацый.
4. Дадзены рэчыўны лік х. Не карыстаючыся ніякімі іншымі арыфметычнымі дзеяннямі, акрамя складання, аднімання і множання, вылічыць 2х⁴ – 3х³ + 4х² – 5х + 6. Дазваляецца выкарыстоўваць не больш за 4 множанні і не больш за 4 складанні і адніманні.