§ 10. Палітычныя ідэалогіі
1. На аснове тэксту параграфа складзіце схему «Узроўні палітычнай ідэалогіі».
2. Растлумачце і канкрэтызуйце прыкладамі ролю ідэалогіі ў палітыцы.
3. Выкажыце сваё меркаванне аб тым, якую ідэалогію можна назваць цэнтрысцкай. Чаму лічыцца, што правыя і левыя радыкалы значна бліжэйшыя адзін да аднаго, чым да палітычнага цэнтра?
Выканайце міні-праект «Візуалізацыя перадвыбарнай праграмы». Вывучыце праграмы палітыкаў — кандыдатаў на актуальных выбарах (прэзідэнцкіх, парламенцкіх ці мясцовых Саветаў). Складзіце на падставе праграм «аблокі слоў» — «ТОП-10 слоў з праграм кандыдатаў» (выкарыстоўвайце толькі назоўнікі, вылучыце большым шрыфтам словы, што ў праграме сустракаюцца часцей, меншым — радзей). Параўнайце «аблокі слоў». Якія ідэалогіі з’яўляюцца асновай для праграм?