Фізіка. 10 клас

Практыкаванне 8

1. Сіла ціску ідэальнага аднаатамнага газу пэўнай масы выконвае адмоўную работу падчас ізатэрмічнага працэсу. Як змяняюцца ў гэтым працэсе аб’ём, ціск і ўнутраная энергія газу?

2. Газ, ціск якога p = 0,10 МПа, ізабарна расшыраецца. Пры гэтым сіла ціску газу выконвае работу А = 40 Дж. Вызначце, на колькі павялічыўся аб’ём газу.

4. Пры ізабарным павелічэнні тэмпературы азоту на ΔT = 180 К сілай яго ціску выканана работа А = 25 кДж. Вызначце масу азоту.

5. Ідэальны газ пэўнай масы, тэмпература якога T₁ = 290 К і ціск p = 0,20 МПа, займае аб’ём V₁ = 0,10 м³. Вызначце работу, якую выканае сіла ціску газу пры яго ізабарным награванні да тэмпературы T₂ = 370 К.

6. Пры расшырэнні ідэальнага газу, колькасць рэчыва якога ν = 3 моль, яго аб’ём павялічыўся ад V₁ = 2 дм³ да V₂ = 6 дм³. Абсалютная тэмпература газу змянялася па законе T = αV², дзе — каэфіцыент прапарцыянальнасці. Вызначце работу, выкананую сілай ціску газу пры яго расшырэнні.