Хімія. 10 клас

1. Чаму атамы большасці хімічных элементаў не існуюць пры звычайных умовах у свабодным выглядзе (у выглядзе не звязаных паміж сабой атамаў)? Ці ёсць выключэнне з гэтай заканамернасці?

2. Што такое валентныя электроны? Укажыце лік валентных электронаў у атамах вадароду, вугляроду, азоту.

3. Пры дапамозе электронных формул адлюструйце ўтварэнне кавалентных сувязей у малекулах F₂ і N₂. Электронную абалонку якога высакароднага газу набываюць атамы, што ўтварылі хімічную сувязь у дадзеных малекулах?

4. Вызначце тып хімічнай сувязі ў рэчывах: I₂, H₂O, KCl, Na₂S, CO₂, O₂, CH₄, Cu.