§ 27. Сучасныя ўпаковачныя матэрыялы
Асаблівасці сінтэтычнай упакоўкі
У сучаснай вытворчасці для ўпакоўкі харчовых прадуктаў паўсюдна выкарыстоўваюцца пластмасы, істотным недахопам якіх з’яўляецца тое, што для іх раскладання неабходны працяглы час (гл. табл.).
Табліца. Час раскладання ўпаковачных матэрыялаў
Упаковачны матэрыял |
Час раскладання |
Васкаваная папера, упакоўка з ламініраванага кардону |
5 гадоў |
Стальная кансервавая бляшанка |
10 гадоў |
Алюмініевая бляшанка |
500 гадоў |
Поліэтыленавыя пакеты |
200—1000 гадоў |
Інтэнсіўныя тэмпы росту выкарыстання палімернай упакоўкі прыводзяць да рэзкага павелічэння колькасці адходаў. Традыцыйныя спосабы абыходжання з такімі адходамі — захаванне, спальванне — не заўсёды з’яўляюцца экалагічна і эканамічна апраўданымі.
Згодна з Дырэктывай Прэзідэнта Рэспублікі Беларусь, у нашай краіне вызначаны курс на паэтапнае зніжэнне выкарыстання поліэтыленавай упакоўкі і яе замяшчэнне экалагічна бяспечнай, у тым ліку са шкла і паперы.