§ 0—1. Формы структурнай арганізацыі жывых арганізмаў
- Успомніце, з якімі формамі структурнай арганізацыі арганізмаў вы пазнаёміліся пры вывучэнні разнастайнасці арганічнага свету.
- Як вы думаеце? Якая з форм структурнай арганізацыі дазваляе лепш за ўсё прыстасоўвацца да зменлівых умоў асяроддзя?
- Вы даведаецеся пра разнастайнасць форм структурнай арганізацыі жывых арганізмаў.
Прэамбула
Ва ўводзінах вы пазнаёміліся з узроўнямі арганізацыі жыцця на планеце Зямля. Адным з іх з’яўляецца арганізменны ўзровень, які ў сваю чаргу складаюць арганізмы з рознымі формамі структурнай арганізацыі. Для арганізмаў, якія існуюць у цяперашні час, можна вылучыць чатыры асноўныя формы структурнай арганізацыі: аднаклетачная, сіфонавая, каланіяльная і мнагаклетачная. Ахарактарызуем іх больш падрабязна.