Абагульненне і сістэматызацыя ведаў
1. Вызначце адносіны ўнутранай энергіі неону да ўнутранай энергіі гелію, колькасць рэчыва якіх νНе = 1 моль і νNе = 3 моль, калі яны знаходзяцца пры аднолькавай тэмпературы.
2. На малюнку 89 прыведзены графік працэсу пераходу ідэальнага аднаатамнага газу са стану 1 у стан 2. Вызначце прырашчэнне ўнутранай энергіі газу ў гэтым працэсе.
3. На малюнку 90 прыведзены графік працэсу пераходу ідэальнага аднаатамнага газу пэўнай масы са стану 1 у стан 3. Вызначце адносіны значэнняў унутранай энергіі газу ў пачатковым і канчатковым станах.
4. У балоне знаходзіцца ідэальны аднаатамны газ, колькасць рэчыва якога ν = 2,4 моль, тэмпература Т1 = 420 К. У выніку ізахорнага пераходу з аднаго стану ў другі ціск газу зменшыўся ад р1 = 860 кПа да р2 = 655 кПа. Вызначце прырашчэнне ўнутранай энергіі газу.
5. Пры ізабарным сцісканні азоту N2 знешняя сіла выканала работу А′ = 400 Дж. Пры гэтым абсалютная тэмпература газу паменшылася ад Т1 = 480 К да Т2 = 300 К. Вызначце масу азоту.
6. Графік цыклічнага працэсу ў ідэальным газе складаецца з адрэзкаў прамых, якія злучаюць пункты з каардынатамі А (1,8 · 105 Па; 1,5 л), В (1,8 · 105 Па; 4,5 л) и С (0,60 · 105 Па; 1,5 л). Вызначце работу, выкананую сілай ціску газу за цыкл.
7. На малюнку 91 прыведзены графік расшырэння ідэальнага газу, узятага ў колькасці ν = 1,0 моль. Вызначце работу, выкананую сілай ціску газу пры яго пераходзе са стану 1 у стан 2.
8. Гелій, узяты ў колькасці ν = 2,00 моль, ізабарна расшыраецца. Пры гэтым сіла ціску газу выконвае работу А = 7,20 кДж. Канцэнтрацыя атамаў газу ў канчатковым стане ў α = 3,00 раза меншая, чым у пачатковым, а яго маса не мяняецца. Вызначце пачатковую тэмпературу гелію.
9. На малюнку 92 прыведзены графікі залежнасці тэмпературы ад часу для цвёрдых крышталічных цел А і В. Карысная магутнасць награвальнікаў у абодвух выпадках аднолькавая, а страты энергіі можна не ўлічваць. Выберыце два правільныя сцвярджэнні.
1) Тэмпература цела А расце ў чатыры разы хутчэй, чым тэмпература цела В.
2) Цела А атрымлівае ў два разы большую колькасць цеплаты, чым цела В.
3) Целы А і В могуць складацца з аднаго рэчыва, але маса mA цела А ўдвая меншая, чым маса mB цела В.
4) Целы А і В могуць мець аднолькавую масу, але ўдзельная цеплаёмістасць сА цела А ў цвёрдым стане ўдвая меншая, чым удзельная цеплаёмістасць сВ цела В у цвёрдым стане.
5) Целы А і В могуць мець аднолькавую масу, але ўдзельная цеплаёмістасць сА цела А ў цвёрдым стане ўдвая большая за ўдзельную цеплаёмістасць сВ цела В у цвёрдым стане.
10. Жалезны асколак падае са стану спакою з вышыні h = 800 м. Модуль скорасці руху асколка ў момант падзення на паверхню Зямлі . Вызначце прырашчэнне тэмпературы асколка за час падзення. Удзельная цеплаёмістасць жалеза
. Страты энергіі ў навакольнае асяроддзе не прымаць пад увагу.
11. У цеплаізаляваную пасудзіну з вадой, маса і тэмпература якой mв = 1,6 кг і t0в = 8,0 °С адпаведна, апусцілі кавалак лёду масай mл = 0,80 кг. Пасля таго як устанавілася цеплавая раўнавага, выявілася, што маса лёду павялічылася на Δm = 20 г. Вызначце пачатковую тэмпературу лёду. Удзельная цеплаёмістасць вады ; для лёду: удзельная цеплаёмістасць
, удзельная цеплата плаўлення
, тэмпература плаўлення tпл = 0,0 °С. Цеплаёмістасць пасудзіны не прымаць пад увагу.
12. У цеплаізаляванай пасудзіне знаходзіцца вада масай m1 = 1,2 кг, тэмпература якой t = 0 °С. З пасудзіны адпампоўваюць вільготнае паветра, у выніку чаго вада ў пасудзіне крышталізуецца. Вызначце масу ўтворанага лёду. Удзельная цеплата параўтварэння вады пры тэмпературы t = 0 °С складае , а ўдзельная цеплата плаўлення лёду
.
13. Пры перадачы ідэальнаму аднаатамнаму газу колькасці цеплаты Q = 60 Дж яго тэмпература павялічылася пры пастаянным ціску на ΔT = 10 К. Вызначце колькасць рэчыва газу.
14. Пры ізабарным расшырэнні гелію масай m = 20 г яго аб’ём павялічыўся ў α = 2,0 раза. Пачатковая тэмпература гелію T1 = 300 К. Вызначце работу, выкананую сілай ціску газу пры яго расшырэнні, і атрыманую газам колькасць цеплаты.
15. З ідэальным газам пэўнай масы ажыццёўлены працэс, графік якога прыведзены на малюнку 93. Вызначце: а) на якіх участках графіка работа газу дадатная; б) на якіх участках графіка газ атрымліваў энергію, а на якіх — аддаваў. Запоўніце табліцу ў сшытку.
| Участак графіка | Работа сілы ціску газу | Колькасць цеплаты | Прырашчэнне ўнутранай энергіі газу |
| 1 |
|||
| 2 |
|||
| 3 |
16. У герметычна закрытай пасудзіне знаходзіцца азот, тэмпература якога Т1 = 300 К. Пасудзіна рухаецца са скорасцю, модуль якой υ = 38,6 . Вызначце, якой будзе тэмпература азоту пры раптоўным спыненні пасудзіны. Удзельная цеплаёмістасць азоту пры пастаянным аб’ёме сV = 745
. Цеплаёмістасць пасудзіны і цеплаабмен з навакольным асяроддзем не прымайце пад увагу.
17. Магутнасць ідэальнага цеплавога рухавіка N = 10,0 кВт. Тэмпература награвальніка Т1 = 550 К, халадзільніка Т2 = 300 К. Вызначце колькасць цеплаты, атрыманай ад награвальніка, і колькасць цеплаты, аддадзенай халадзільнікам, за прамежак часу τ = 10,0 с.