Біялогія. 10 клас

    Ключавыя пытанні

1. Ад чаго залежыць біяразнастайнасць?
2. Як дзейнасць чалавека ўплывае на біяразнастайнасць? Прывядзіце прыклады.
3. Якія віды і чаму называюцца інвазіўнымі?
*4. Выберыце з прапанаванага спіса інвазіўныя арганізмы: жук каларадскі, заяц бяляк, баршчэўнік Сасноўскага, ярутка палявая, цыкада буйвалава, сабака янотападобны, клоп рапсовы, норка амерыканская, вусач дубовы, сумнік канадскі, мурашка фараонава.
*5. Растлумачце, чаму пры лоўлі рыбы нельга выкарыстоўваць дробнаячэістыя сеткі і такія прыёмы лоўлі, як атручванне ці глушэнне рыбы выбуховымі рэчывамі. Прывядзіце не менш за дзве прычыны.

    Складаныя пытанні

1. Чаму вучоныя лічаць небяспечным для чалавека скарачэнне відавой разнастайнасці экасістэм?
*2. Шум як фізічны забруджвальнік уплывае на працэсы жыццядзейнасці чалавека і жывёл. Як вы лічыце, ці ўплывае шумавое забруджванне на расліны? Адказ абгрунтуйце.
*3. Навучэнцы сабралі за год 15 т макулатуры. Колькі дрэў захавалі навучэнцы, калі з 1 дрэва атрымліваюць 60 кг паперы? Колькі сшыткаў маглі вырабіць, калі з 1 т макулатуры атрымліваюць 25 000 сшыткаў? Колькі вады і электраэнергіі можна зэканоміць, калі 1 т макулатуры эканоміць 200 м³ вады і 1000 кВт · г электраэнергіі?
*4. Біёлагі ўстанавілі такую парадаксальную залежнасць: як толькі на якім-небудзь вадаёме знішчаюць выдр, так адразу становіцца больш рыбы, але хутка яе колькасць зніжаецца. Калі зноў у вадаёме з’яўляюцца выдры, то рыбы зноў становіцца больш. Чаму?

*Індывідуальнае дамашняе заданне. Якія мерапрыемствы вы можаце прапанаваць для правядзення на лакальным узроўні з мэтай захавання біяразнастайнасці ў вашым рэгіёне?