Біялогія. 10 клас

    Ключавыя пытанні

1. Ахарактарызуйце асаблівасці клімату ў біёме тайгі. Якія экалагічныя фактары з’яўляюцца лімітуючымі?
2. Да якой жыццёвай формы належаць асноўныя прадуцэнты хвойнага лесу? Назавіце прадстаўнікоў.
3. Як змяняецца біямаса тайгі з поўначы на поўдзень? Растлумачце прычыну.
4. Растлумачце з экалагічнага пункту гледжання перавагу ў тайзе хвойных дрэў.

    Складаныя пытанні

1. Растлумачце, чаму ў тайзе вялікі запас дэтрыту, але малая выяўленасць перагнойнага пласта.
2. Як суадносяцца біялагічная прадукцыйнасць і біямаса тайгі? Растлумачце прычыну такіх суадносін з улікам асаблівасцей умоў асяроддзя.
3. Якія экалагічныя праблемы адчувае тайга ў наш час? Прапануйце шляхі іх рашэння.

Індывідуальнае дамашняе заданне. Выкарыстоўваючы тэкст і малюнкі электроннага дадатку, а таксама дадатковыя крыніцы інфармацыі, размяркуйце тыповых жыхароў тайгі па трафічных узроўнях і складзіце сетку харчавання, якая ўключае як мінімум чатыры віды прадуцэнтаў.