Біялогія. 10 клас

    Ключавыя пытанні

1. Пералічыце асноўныя біёмы наземных экасістэм. Па якіх характарыстыках адрозніваюцца біёмы сушы?
2. Ахарактарызуйце асаблівасці клімату біёма тундры. Якія экалагічныя фактары з’яўляюцца лімітуючымі?
3. Да якой жыццёвай формы належаць асноўныя прадуцэнты тундры? Назавіце прадстаўнікоў.

    Складаныя пытанні

1. Растлумачце з экалагічнага пункту гледжання наяўнасць у тундры нізкарослых дрэў і буйных жывёл.
2. Чаму ў тундры адсутнічаюць земнаводныя і паўзуны, відавы склад насякомых бедны, але колькасць іх вялікая? Адказ абгрунтуйце.
3. Чаму расліны тундры маюць тып лістоў, характэрны для ксерафітаў, і ў іх адсутнічаюць падземныя парасткі? Растлумачце з улікам асаблівасцей умоў асяроддзя.
4. Чаму ў жывёл тундры вушы карацейшыя, чым у роднасных відаў больш паўднёвых біёмаў?

Індывідуальнае дамашняе заданне. Выкарыстоўваючы тэкст і малюнкі электроннага дадатку, а таксама дадатковыя крыніцы інфармацыі, размяркуйце тыповых жыхароў тундры па трафічных узроўнях і складзіце сетку харчавання, якая ўключае як мінімум чатыры віды прадуцэнтаў.