Біялогія. 10 клас

      Ключавыя пытанні

1. Дайце азначэнне паняцця «асяроддзе жыцця». Чым гэта паняцце адрозніваецца ад паняцця «асяроддзе пражывання»? Якія асяроддзі жыцця можна вылучыць на планеце Зямля?
2. Назавіце прычыны зімовых і летніх замораў рыб. Прапануйце план мерапрыемстваў, якія дазваляюць іх прадухіляць.
3. Да якой глыбіні могуць быць распаўсюджаны фотасінтэзуючыя арганізмы ў морах і акіянах? Чаму?
4. Якія пігменты дазваляюць фотасінтэзаваць водарасцям, якія жывуць на рознай глыбіні мораў і акіянаў? Чым абумоўлена іх адрозненне?

     Складаныя пытанні

1. Назавіце крыніцы кіслароду і вуглякіслага газу ў вадзе. Утрыманне якога з газаў з’яўляецца лімітуючым фактарам і чаму?
*2. Размяркуйце наступных жывёл па іх асяроддзях жыцця: мядзведзь буры, цэпень бычыны, крот, дэльфін, лось, кажан, кіт, вярблюд, бегемот, воласагалоў.
*3. Выберыце тры дакладныя адказы, у якіх паказаны характарыстыкі воднага асяроддзя: 1) вялікае ўтрыманне кіслароду; 2) высокая шчыльнасць; 3) слабыя перапады ціску; 4) высокая ступень празрыстасці; 5) невялікія змяненні тэмпературы; 6) нізкая ступень асветленасці.

*Індывідуальнае дамашняе заданне. Ацаніце ўмовы жыцця арганізмаў у бліжэйшым вадаёме. Які з фактараў асяроддзя, на ваш погляд, з’яўляецца лімітуючым? Складзіце праект па паляпшэнні стану асяроддзя ў дадзеным вадаёме.