Біялогія. 10 клас

    Ключавыя пытанні

1. Якія арганічныя рэчывы з’яўляюцца асноўнымі кампанентамі цел жывых арганізмаў?
2. Што з’яўляецца структурна-функцыянальнай адзінкай жывых арганізмаў?
*3. Якая ўласцівасць арганізмаў забяспечвае пастаянства існавання жыцця на Зямлі?
*4. Чаму ўласцівасці і прыметы бацькоў выяўляюцца ў нашчадкаў?
*5. Чым можна растлумачыць, што ў адных і тых жа бацькоў з’яўляюцца нашчадкі з рознымі прыметамі?

    Складаныя пытанні

1. Якія ўласцівасці жывых арганізмаў дазволяць захавацца жыццю на Зямлі ў выпадку рэзкага пацяплення клімату? Адказ абгрунтуйце.
2. Як вы думаеце, ці можа быць развіццё арганізма без росту і наадварот? Адказ аргументуйце канкрэтнымі прыкладамі.
*3. Што азначае выраз «арганізм — адкрытая сістэма»? Ці можна лічыць адкрытай сістэмай аб’ект нежывой прыроды? Чаму?
*4. У чым заключаецца індывідуальнае і гістарычнае развіццё арганізмаў? Прывядзіце прыклады.

*Індывідуальнае дамашняе заданне. Правядзіце назіранне за жывымі арганізмамі ў навакольнай прыродзе (у лесе, парку, на лузе і інш.). Параўнайце іх з нежывымі аб’ектамі. Знайдзіце адрозненні паміж імі. Вызначыце агульныя ўласцівасці жывых арганізмаў.