Біялогія. 10 клас

    Ключавыя пытанні

1. Якія тыпы стрававання характэрны для жывёл? Дайце ім характарыстыку.
2. Назавіце тып жывёл, у якіх упершыню з’явіліся тры аддзелы стрававальнай сістэмы. Прывядзіце прыклады прадстаўнікоў.
3. Пералічыце стрававальныя залозы пазваночных. У каго з жывёл упершыню з’явілася печань?
4.  Якія тыпы крывяноснай сістэмы вы ведаеце? Назавіце тып жывёл, у якіх упершыню з’явілася крывяносная сістэма.
5. Як змянялася будова сэрца ў ходзе эвалюцыі пазваночных?
6. Знайдзіце памылкі ў тэксце: «У млекакормячых чатырохкамернае сэрца з поўнай перагародкай, ад левага жалудачка адыходзіць правая дуга аорты, два кругі кровазвароту, незамкнутая крывяносная сістэма».

    Складаныя пытанні

1. Якія змяненні ў будове стрававальнай сістэмы ў птушак можна разглядаць як прыстасаванні да палёту?
2. Як вы думаеце, карысна ці шкодна для стрававальнай сістэмы жаваць жвачку? Прывядзіце аргументы.
3. Птушкі і млекакормячыя валодаюць чатырохкамерным сэрцам і цеплакроўнасцю. Ці існуе сувязь паміж гэтымі дзвюма характарыстыкамі? Адказ абгрунтуйце.
4. Ці можна лічыць, што крывяносная сістэма пазваночных з’яўляецца працягам эвалюцыі крывяноснай сістэмы беспазваночных? Адказ абгрунтуйце.