Біялогія. 10 клас

Ключавыя пытанні

1. Арганізмы якіх двух царстваў маюць клетачную форму арганізацыі? Чым адрозніваецца іх будова?
2. Як называецца структурная арганізацыя, калі арганізм знешне падобны да мнагаклетачнага, але складаецца з адной клеткі? Прывядзіце прыклады прадстаўнікоў.
3. У калоніях у каланіяльных арганізмаў колькасць клетак часцей за ўсё бывае роўна: 4, 8, 16, 32, 64. Як вы думаеце, чаму з’явіўся менавіта гэты шэраг лікаў?
4. Чаму водарасць ульву не залічваюць да каланіяльных арганізмаў? Адказ аргументуйце.

 Складаныя пытанні

1. Як вы лічыце, у чым заключаецца неабходнасць існавання розных форм структурнай арганізацыі жывой матэрыі?
2. Бактэрыі, таксама як і пратысты, маюць самы нізкі ўзровень структурнай арганізацыі — аднаклетачны, але ў адрозненне ад іх сустракаюцца паўсюдна. Чым абумоўлена такое шырокае іх распаўсюджванне ў прыродзе?
3. Сярод пратыстаў хларэла адрозніваецца высокай хуткасцю размнажэння. Разлічыце, якая будзе біямаса хларэлы ў вадаёме праз 5 сутак, калі вядома, што за кошт размнажэння маса хларэлы павялічваецца за суткі ў 4 разы, прычым штосутачна зоапланктон спажывае прыкладна 15 % біямасы хларэлы, а зыходная маса хларэлы ў вадаёме — 20 кг.
4. Выкажыце меркаванне, як выглядала б наша планета, калі б у працэсе эвалюцыі не ўзніклі мнагаклетачныя водарасці.