§ 14. Асновы сямейнага права
1. У чым розніца паміж паняццямі «шлюб» і «сям’я»? Ці можа існаваць: шлюб без сям’і, сям’я без шлюбу?
2. Назавіце ўмовы заключэння шлюбу і падставы для спынення шлюбу.
3. Ці з’яўляецца залатое ўпрыгажэнне, набытае мужам для сваёй жонкі, асабістай уласнасцю жонкі? Ці будзе аўтамабіль, атрыманы мужам у перыяд шлюбу ў спадчыну, агульнай уласнасцю сямейнай пары?
4. На аснове аналізу прапанаванай сітуацыі растлумачце, чым адрозніваюцца паняцці «выхаванне» дзяцей, «догляд» і «нагляд» за дзецьмі. «Мама паставіла перад дзіцем талерку з супам, каб накарміць яго. Яна ўважліва сочыць, каб дзіця не выліла гарачы суп на сябе і не апяклося. Таксама яна вучыць дзіця самастойна есці суп лыжкай».
5. Пры дасягненні якога ўзросту спыняецца абавязак бацькоў па ўтрыманні сваіх непаўналетніх дзяцей? Ці абавязаны бацькі ўтрымліваць сваіх паўналетніх дзяцей? Ці ёсць абавязкі ў дзяцей у адносінах да бацькоў? Аргументуйце свой выбар прававымі нормамі, што ўтрымліваюцца ў Кодэксе Рэспублікі Беларусь аб шлюбе і сям’і.
