Біялогія. 11 клас

1. Якія словы прапушчаны ў сказе і заменены літарамі (а—г)? 

У састаў малекулы АТФ уваходзіць азоцістая аснова (а), пяцівугляродны монацукрыд (б) і (в) астатка (г) кіслаты.

2. Выявіце падабенства і адрозненні ў будове адэнілавага нуклеатыда і малекулы АТФ.

3. Якія сувязі называюцца макраэргічнымі? Што ўяўляе сабой працэс гідролізу АТФ? Сінтэзу АТФ? У чым заключаецца біялагічная роля АТФ?

4. Ахарактарызуйце біялагічную ролю нуклеатыдаў і іх вытворных.

5*.  Параўнайце па розных прыметах ДНК і РНК. Выявіце рысы падабенства і адрозненні.

6*. Якія віды РНК змяшчаюцца ў клетцы? Параўнайце іх па выконваемых функцыях, асаблівасцях будовы і працэнтным утрыманні ад агульнай колькасці РНК у клетцы.

7*.  У адну клетку ўвялі малекулы АТФ, мечаныя радыеактыўным фосфарам ³²Р па апошнім (трэцім) астатку фосфарнай кіслаты, а ў другую — малекулы АТФ, мечаныя ³²Р па першым (бліжэйшым да рыбозы) астатку. Праз 5 мін у абедзвюх клетках змералі ўтрыманне неарганічнага фасфат-іона, мечанага ³²Р. Дзе яно было вышэй і чаму?