§ 13. Уласнасць і даходы
1. Прывядзіце прыклады адносін валодання, карыстання, распараджэння ўласнасцю.
2. Што такое пражытачны мінімум? Чаму ў розных краінах ён вымяраецца па-рознаму?
3. Даведайцеся ў сваіх бацькоў, што з’яўляецца аб’ектам уласнасці вашай сям’і. Спытайце, як яны разумеюць свае правы ў якасці ўладальнікаў уласнасці. Супастаўце інфармацыю з тым, што вы даведаліся з тэксту параграфа.
Правядзіце міні-даследаванне на тэму «Знаходка: удача ці праблема?», прааналізаваўшы палажэнні заканадаўства Рэспублікі Беларусь:
● артыкулы 228 (Знаходка), 229 (Набыццё права ўласнасці на знаходку), 234 (Скарб) Грамадзянскага кодэкса Рэспублікі Беларусь;
● артыкул 10.6 (Прысваенне знойдзенай маёмасці) Кодэкса аб адміністрацыйных правапарушэннях Рэспублікі Беларусь;
● артыкул 215 (Прысваенне знойдзенай маёмасці) Крымінальнага кодэкса Рэспублікі Беларусь.