§ 1. Грамадства як сістэма
1. На сваім прыкладзе канкрэтызуйце, членам якіх сацыяльных супольнасцей можа з’яўляцца чалавек.
2. Апішыце мастацтва як сацыяльны інстытут (з характарыстыкай яго элементаў: сфера дзейнасці, суб’екты, сродкі).
3. Прасачыце ўзаемасувязь розных сфер грамадскага жыцця ў наступнай сітуацыі: дзяржава выдаткавала фінансаванне на рэстаўрацыю сярэднявечнага замка.
Выканайце міні-праект «Ці лёгка быць маладым?». На якія пытанні і тэмы, што хвалююць маладых людзей, вы знялі б сёння фільм (запісалі падкаст, відэа) пад назвай «Ці лёгка быць маладым?»? Параўнайце свой выбар з тэмамі, якія падымаліся ў дакументальным фільме «Ці лёгка быць маладым?» (1986 г.). Якімі сродкамі на постары фільма перадаецца яго галоўная ідэя, мэсэдж?
