- Агульнае
- Раздзел 3
Раздзел 3
Вы даведаецеся:
- пра спосабы бясполага размнажэння;
- пра палавое размнажэнне і палавы працэс;
- пра асемяненне і апладненне ў жывёл;
- пра партэнагенез як асаблівы спасаб палавога размнажэння;
- пра чаргаванне спосабаў размнажэння і пакаленняў у жыццёвым цыкле раслін;
- пра асноўныя перыяды эмбрыянальнага і постэмбрыянальнага развіцця жывёл і чалавека.
Вы навучыцеся:
- прыводзіць прыклады бясполага размнажэння арганізмаў, у тым ліку вегетатыўнага размнажэння раслін (у прыродзе і ва ўмовах культуры);
- характарызаваць заканамернасці індывідуальнага развіцця арганізмаў, у тым ліку арганізма чалавека;
- выкарыстоўваць набытыя веды і ўменні пры размнажэнні хатніх і культурных раслін, гадоўлі свойскай жывёлы;
- выкарыстоўваць набытыя веды і ўменні для тлумачэння ўплыву неспрыяльных фактараў асяроддзя на развіццё чалавека.
- Успомніце, з якімі тыпамі размнажэння вы пазнаёміліся пры вывучэнні расліннага і жывёльнага свету.
- Як вы думаеце? Чаму тыпы размнажэння называюць бясполым і палавым?
- Вы даведаецеся, чым адрозніваюцца бясполае і палавое размнажэнне арганізмаў, якія могуць быць наступствы, калі для віду характэрны толькі адзін з тыпаў размнажэння.
- Успомніце, якімі спосабамі адбываецца бясполае размнажэнне пракарыёт.
- Як вы думаеце? Чым бясполае размнажэнне аднаклетачных эўкарыёт адрозніваецца ад бясполага размнажэння ў пракарыёт?
- Вы даведаецеся пра разнастайнасць спосабаў бясполага размнажэння аднаклетачных эўкарыёт, чым адрозніваецца спораўтварэнне і пачкаванне ў эўкарыёт ад пракарыёт.
- Успомніце, якія спосабы бясполага размнажэння сустракаюцца ў аднаклетачных эўкарыёт.
- Як вы думаеце? Чым адрозніваюцца аднайменныя спосабы размнажэння (пачкаванне, спораўтварэнне) мнагаклетачных і аднаклетачных арганізмаў?
- Вы даведаецеся пра розныя спосабы бясполага размнажэння мнагаклетачных, іх асаблівасці ў параўнанні з размнажэннем аднаклетачных арганізмаў.
- Успомніце, па якіх асаблівасцях можна адрозніць палавое размнажэнне ад бясполага.
- Як вы думаеце? Чым адрозніваюцца паняцці «палавое размнажэнне» і «палавы працэс»?
- Вы даведаецеся пра сутнасць паняццяў «дыплоіднасць» і «гаплоіднасць», як суадносяцца паняцці «палавое размнажэнне» і «палавы працэс», у чым асаблівасць працэсаў утварэння мужчынскіх і жаночых палавых клетак у млекакормячых.
- Успомніце, якія формы палавога працэсу існуюць у прыродзе. Што такое капуляцыя? Як адбываецца ўтварэнне палавых клетак у жывёл?
- Як вы думаеце? Якія патрабуюцца ўмовы, каб адбыўся працэс апладнення? Ці магчыма палавое размнажэнне без апладнення?
- Вы даведаецеся, што ў залежнасці ад спосабу асемянення апладненне можа быць знешнім або ўнутраным, што палавое размнажэнне можа адбывацца як з апладненнем, так і без яго.
- Успомніце, як адбываецца бясполае размнажэнне ў раслін.
- Як вы думаеце? У чым біялагічны сэнс чаргавання бясполага і палавога тыпаў размнажэння ў раслін?
- Вы даведаецеся, як адбываецца ўтварэнне палавых клетак, апладненне і палавое размнажэнне ў пакрытанасенных раслін, як у ходзе эвалюцыі змяніліся суадносіны бясполага і палавога пакаленняў у жыццёвым цыкле раслін розных сістэматычных груп.
- Успомніце, чым заканчваецца працэс апладнення ў жывёл.
- Як вы думаеце? Якія фактары адыгрываюць вызначальную ролю ў развіцці арганізмаў пасля працэсу апладнення?
- Вы даведаецеся, што антагенез уключае два перыяды — эмбрыянальнае і постэмбрыянальнае развіццё, што эмбрыянальнае развіццё ва ўсіх пазваночных працякае з аднолькавымі стадыямі.
- Успомніце, як працякае эмбрыянальнае развіццё арганізмаў. Чым заканчваецца дадзены этап антагенезу?
- Як вы думаеце? Чаму пры агульным падабенстве эмбрыянальнага развіцця ў пазваночных жывёл постэмбрыянальнае развіццё працякае па-рознаму ў розных сістэматычных груп?
- Вы даведаецеся, што пасля нараджэння або выхаду з яйцавых абалонак развіццё арганізмаў можа быць прамым або непрамым, што непрамое развіццё можа працякаць з няпоўным або поўным ператварэннем.
- Успомніце, якія этапы ўключае антагенез у жывёл. Якія стадыі развіцця праходзіць зародак?
- Як вы думаеце? Ці маюцца адметныя асаблівасці ў антагенезе чалавека ў параўнанні з жывёламі?
- Вы даведаецеся, як працякае эмбрыянальнае развіццё чалавека, якія фактары навакольнага асяроддзя робяць уплыў на развіццё зародка, якія стадыі вылучаюць на этапе постэмбрыянальнага развіцця чалавека.
- Успомніце, якія тыпы постэмбрыянальнага развіцця маюцца ў жывёл.
- Як вы думаеце? Ці маюцца адметныя асаблівасці ў постэмбрыянальным развіцці чалавека ў параўнанні з жывёламі?
- Вы даведаецеся, як працякае постэмбрыянальнае развіццё чалавека, якія стадыі вылучаюць на этапе постэмбрыянальнага развіцця чалавека.