Хімія. 11 клас

Практычная работа 7*. Рашэнне эксперыментальных задач па тэме «Атрыманне і ўласцівасці неарганічных злучэнняў»

1. Атрымайце газ і дакажыце яго наяўнасць, маючы:

• а) цынк і саляную кіслату;
• б) карбанат кальцыю і саляную кіслату.

2. Па прыведзенай схеме атрымайце гідраксід металу і дакажыце, што ён рэагуе з кіслотамі:

• а) MgCl₂ Mg(OH)₂ …;
• б) СuCl₂ Cu(OH)₂ ….;

3. З выдадзеных вам рэактываў атрымайце нерастваральны карбанат:

• а) СаСО₃;
• б) ZnCO₃.

Дакажыце, што ён рэагуе з салянай кіслатой.

4. Паспрабуйце ўніверсальным індыкатарам растворы солей:

• а) KСl і AlCl₃;
• б) K₂SO₃ і KСl.

Параўнайце і растлумачце вынікі даследавання.

5. Дакажыце, што ў выдадзеным растворы ўтрымліваецца соль:

• а) хларыд жалеза(III);
• б) хларыд кальцыю.

У справаздачы пакажыце ўраўненні рэакцый у малекулярнай, поўнай іоннай і скарочанай іоннай формах.