Сусветная гісторыя ХІХ - пачатак ХХІ ст. 11 клас

На́цыя (ад лац. natio — племя, народ) — супольнасць людзей, для якіх характэрныя пражыванне на адной тэрыторыі, адзіная эканоміка, агульная мова, падобныя рысы культуры і псіхалогіі. Фарміруецца ў працэсе сцвярджэння буржуазнага грамадства.

Нацыяналіза́цыя (англ., фр. nationalization, ад лац. natio — народ) — перадача прыватнай уласнасці ў рукі дзяржавы.

Нацыяналі́зм (фр. nationalism, ад лац. natio — народ) — ідэалогія і палітыка, якія прызнаюць нацыю вышэйшай формай супольнасці людзей. Служыць магутнай аб’яднаўчай сілай у барацьбе за вызваленне адных нацый або ў аб’яднанні ў адну дзяржаву іншых. З прызнаннем перавагі адной нацыі над другой становіцца прычынай кровапралітных канфліктаў паміж імі.

Нацыяна́льнае пыта́нне — сукупнасць палітычных, эканамічных, прававых, ідэалагічных і іншых праблем, якія ўзнікаюць у працэсе ўнутрыдзяржаўных адносін паміж нацыямі, народнасцямі.