§ 10-2. Рэвалюцыйны ўздым у краінах Усходу ў пачатку ХХ ст. : Лабараторыя гісторыка

§ 10-2. Рэвалюцыйны ўздым у краінах Усходу ў пачатку ХХ ст.

Ключавая ідэя: рэформы і рэвалюцыйныя пераўтварэнні адлюстроўвалі імкненне дзяржаў Усходу вырвацца са стану адсталасці і паскорыць сацыяльна-палітычнае развіццё.

У пачатку XX ст. узмацніліся супярэчнасці паміж калоніямі і метраполіямі, паміж фармальна незалежнымі краінамі і каланіяльнымі дзяржавамі. У краінах Усходу паступова ўспрымаліся распаўсюджаныя ў Еўропе палітычныя ідэі — ад умерана ліберальных да рэвалюцыйных, сацыялістычных. Гэты перыяд у гісторыі краін Усходу вядомы таксама як «абуджэнне Азіі».