Сусветная гісторыя ХІХ - пачатак ХХІ ст. 11 клас

Ключавая ідэя: у міжваенны перыяд краіны Захаду прайшлі шлях ад аднаўлення і адноснага росквіту да эканамічнага крызісу, які ахапіў усе заходнія краіны.

Першае дзесяцігоддзе пасля завяршэння Першай сусветнай вайны можна падзяліць на два перыяды: пяць гадоў напружанага аднаўлення (1919—1923) і наступныя шэсць гадоў адноснага міру і росквіту (1924—1929). Другое пасляваеннае дзесяцігоддзе варта разглядаць як пралог да кровапралітнай і трагічнай сусветнай вайны 1939—1945 гг.