§ 18-2. АСНОЎНЫЯ СУЧАСНЫЯ ПРАБЛЕМЫ РАЗВІЦЦЯ СЕЛЬСКАЙ ГАСПАДАРКІ СВЕТУ
Успамінаем. Што такое монакультурная гаспадарка? Якія фактары ўплываюць на зніжэнне запасаў прадуктаў харчавання ў краіне? Як сельская гаспадарка звязана з генетыкай?
Вывучаем, каб ведаць. Чаму страта прадуктаў харчавання з’яўляецца адной з прычын, якія вядуць да голаду? Як клімат паўплываў на змяненне сельскай гаспадаркі? Якія змены павінны адбыцца ў структуры сельскай гаспадаркі, каб забяспечыць насельніцтва планеты харчаваннем? Намаганні навукоўцаў якіх галін павінны быць аб’яднаныя для вырашэння праблемы развіцця сельскай гаспадаркі?
Новыя падыходы да развіцця раслінаводства. Бурны рост вытворчасці сельскагаспадарчай прадукцыі прывёў да негатыўных наступстваў для прыродных рэсурсаў сельскай гаспадаркі.
Спалучэнне ўздзеяння змянення клімату, дэфіцыту энергарэсурсаў і дэградацыі рэсурсаў робіць праблему задавальнення патрэб насельніцтва ў харчаванні на ўстойлівай аснове ў будучыні яшчэ больш хвалюючай.
У сувязі з абвастрэннем харчовай праблемы і павышэннем нагрузкі на прыроднае асяроддзе ААН была выпрацавана стратэгія ўстойлівай інтэнсіфікацыі раслінаводства. У аснове дадзенай стратэгіі ляжаць пяць прынцыпаў (мал. 128-13).
