§ 15. ПРАБЛЕМА ДЭМАГРАФІЧНАЙ НАГРУЗКІ
Успамінаем. Якія фактары ўплываюць на рост і скарачэнне колькасці насельніцтва? Назавіце фактары, што вызначаюць дынаміку колькасці насельніцтва ў развітых краінах і краінах, якія развіваюцца.
Вывучаем, каб ведаць. Чаму ў цяперашні час неабходна аналізаваць дынаміку дэмаграфічных працэсаў? Якія праблемы ўзнікаюць у сувязі з ростам колькасці насельніцтва краін? Якія праблемы выклікае скарачэнне колькасці насельніцтва краін?
Каірская канферэнцыя зрабіла акцэнт на змяненні курсу палітыкі з кіравання колькасцю насельніцтва на правы чалавека і магчымасці свабоднага выбару. На ёй упершыню былі сфармуляваны азначэнні рэпрадуктыўнага здароўя і рэпрадуктыўных правоў. У Праграме дзеянняў рэпрадуктыўнае здароўе вызначаецца як «стан поўнага фізічнага, разумовага і сацыяльнага дабрабыту, а не проста адсутнасць хвароб ва ўсіх пытаннях, якія тычацца рэпрадуктыўнай сістэмы». Рэпрадуктыўныя правы азначаюць права мужчын і жанчын быць інфармаванымі і мець доступ да бяспечных, эфектыўных, даступных і прымальных метадаў планавання сям’і.