§ 12. УПЛЫЎ ПРЫРОДНЫХ ФАКТАРАЎ І ДЗЕЙНАСЦІ ЧАЛАВЕКА НА ЗЯМЕЛЬНЫЯ І ГЛЕБАВЫЯ РЭСУРСЫ
Успамінаем. Якое значэнне маюць глебы для чалавека і яго гаспадарчай дзейнасці? Ад чаго залежыць натуральная ўрадлівасць глеб? Што такое зямельныя рэсурсы?
Вывучаем, каб ведаць. Чаму важна ведаць сучасны стан зямельных і глебавых рэсурсаў Зямлі? Як глебы ўзаемадзейнічаюць з геасферамі Зямлі? Ці можна пазбегнуць дэградацыі зямель і глеб?
У свеце штогод вырабляецца больш за мільён тон пестыцыдаў, што забруджваюць глебы. Да інтэнсіўнага забруджвання глеб прыводзяць адходы вытворчасці. Значным фактарам дэградацыі глеб з’яўляюцца прадпрыемствы нафтахімічнай і нафтаперапрацоўчай галін. Зона іх актыўнага забруджвання складае 1–3 км ад прадпрыемстваў.