§ 11. ГЕАЭКАЛАГІЧНЫЯ АСАБЛІВАСЦІ БІЯСФЕРЫ
Успамінаем. Якія межы біясферы? Якая роля жывых арганізмаў у вялікім кругавароце рэчываў? Назавіце асноўныя асаблівасці распаўсюджвання жывых арганізмаў у біясферы.
Вывучаем, каб ведаць. Як біясфера ўзаемадзейнічае з іншымі геасферамі? Якое ўздзеянне на біясферу аказвае чалавек? Як уплывае біёта на гаспадарчую дзейнасць чалавека?
Клуб географаў-знаўцаў. Біялагічная прадукцыйнасць — агульная колькасць арганічнага рэчыва (біямасы), якое вырабляецца папуляцыяй або супольнасцю за адзінку часу на адзінку плошчы. Пры гэтым адрозніваюць першасную біямасу, якая вырабляецца ў працэсе фотасінтэзу аўтатрофамі (зялёнымі раслінамі) і другасную біямасу, атрыманую гетэратрофамі. Першасную прадукцыю наземных экасістэм звычайна ацэньваюць па гадавым прыросце расліннай біямасы (чыстая прадукцыя). Штогадовая першасная прадукцыя біясферы складае 170 109 т, прычым 2/3 яе вырабляецца экасістэмамі сушы.