§ 4. Рэлігійныя ўяўленні і духоўная культура старажытнага насельніцтва Беларусі
1. Што такое рэлігія? Калі яна ўзнікла?
2. Назавіце прычыны ўзнікнення рэлігіі і яе функцыі.
3. На падставе якіх звестак вучоныя змаглі даказаць, што ў першабытных людзей існавалі рэлігійныя ўяўленні?
3. Культ продкаў
З развіццём родаплемянной арганізацыі зараджаецца вера ў дапамогу духаў памерлых прабацькоў, ствараюцца перадумовы для развіцця культу лідараў. Зараджаецца вера ў наяўнасць у некаторых людзей (старэйшын, военачальнікаў, ведзьмакоў) нейкай звышнатуральнай сілы.
Культ продкаў праявіўся ў шматлікіх рытуалах, звязаных з пахаваннямі. Яны мелі розны характар, практыкавалася трупапалажэнне ў могільніках, а таксама трупаспаленне. Побач з нябожчыкам клалі розныя бытавыя рэчы, зброю, запасы ежы, што павінна было забяспечыць яму існаванне ў замагільным жыцці. Магчыма,
пахавальныя абрады суправаджаліся ахвярапрынашэннямі жывёл ці нават людзей. Самыя старажытныя курганы на тэрыторыі Беларусі выяўлены ля вёскі Ходасавічы Рагачоўскага раёну, археолагі адносяць іх да эпохі бронзы.