Хімія. 11 клас

Пытанні, заданні, задачы

1. Растлумачце прасторавую будову малекулы метану.

2. Выкарыстоўваючы свой вопыт тлумачэння будовы малекул вуглевадародаў, пракаментуйце схемы, паказаныя на малюнку 32.1.

3. Параўнайце прасторавую будову малекулы аміяку і іона амонію. Растлумачце адрозненне.

4. Згодна з эксперыментальнымі дадзенымі малекула CO₂ мае лінейную будову. Растлумачце значэнне валентнасці вугла ў гэтай малекуле, зыходзячы з ўяўлення аб гібрыдызацыі атамных арбіталей.

5. З улікам тыпу гібрыдызацыі атамных арбіталей вызначце лік атамаў вугляроду, атамныя арбіталі якіх знаходзяцца ў стане sp²-гібрыдызацыі, у малекуле алеінавай кіслаты СН₃(СН₂)₇СНСН(СН₂)₇СООН.

6. Вызначце тып гібрыдызацыі атамных арбіталей цэнтральнага атама і растлумачце прасторавую будову наступных малекул і іонаў: CCl₄ (валентны вугал Cl—C—Cl роўны 109,5°), SiH₄ (валентны вугал H—Si—H роўны 109,5°), BF₃ (валентны вугал F—B—F роўны 120°), (валентны вугал F—B—F роўны 109,5°).

7. Намалюйце прасторавую будову малекул і іонаў, названых у заданні 6.

8. Выкарыстоўваючы ўяўленне аб гібрыдызацыі атамных арбіталей, растлумачце прасторавую будову малекул бутану, транс-бутэну-2, метылбензолу, бензойнай кіслаты, фармальдэгіду і прапіну.

9. Выкарыстоўваючы паняцце гібрыдызацыі, прадкажыце, якую форму павінны мець малекулы: HClO, HClO₄, HNO₃. Укажыце значэнні валентных вуглоў і супастаўце ваш адказ з дадзенымі ў сетцы інтэрнэт.

10. Размясціце наступныя малекулы ў парадку павелічэння валентных вуглоў: СО₂, NH₃, Н₂О, BCl₃, CCl₄, CH₄, CH₃NH₂, .