§ 11. ГЕАЭКАЛАГІЧНЫЯ АСАБЛІВАСЦІ БІЯСФЕРЫ

iconКлуб географаў-знаўцаў. Біялагічная прадукцыйнасць — агульная колькасць арганічнага рэчыва (біямасы), якое вырабляецца папуляцыяй або супольнасцю за адзінку часу на адзінку плошчы. Пры гэтым адрозніваюць першасную біямасу, якая вырабляецца ў працэсе фотасінтэзу аўтатрофамі (зялёнымі раслінамі) і другасную біямасу, атрыманую гетэратрофамі. Першасную прадукцыю наземных экасістэм звычайна ацэньваюць па гадавым прыросце расліннай біямасы (чыстая прадукцыя). Штогадовая першасная прадукцыя біясферы складае 170 109 т, прычым 2/3 яе вырабляецца экасістэмамі сушы.