§ 4-2. ЗАКАНАМЕРНАСЦІ РАЗВІЦЦЯ КЛІМАТЫЧНАЙ СІСТЭМЫ ЗЯМЛІ

Прасторава-часавыя заканамернасці кліматычнай сістэмы Зямлі. Глабальны клімат вызначаецца станам кліматычнай сістэмы, якая ўяўляе сукупнасць атмасферы, акіяна, крыясферы (запасы снегу і лёду), паверхні сушы і біёты. Гэтыя кампаненты бесперапынна ўзаемадзейнічаюць і абменьваюцца паміж сабой энергіяй і рэчывам.

Працэсы кліматычнай сістэмы, якія ўплываюць на фарміраванне клімату і яго змены, можна падзяліць на знешнія і ўнутраныя (мал. 22-5).

img
Мал. 22-5. Працэсы кліматычнай сістэмы, якія ўплываюць на фарміраванне і змяненне клімату

icon

Паразважаем. Устойлівы, моцны вецер хутка мяняе свой кірунак з паваротам направа. Пры тым змяняецца атмасферны ціск і воблачнасць. Як і чаму зменіцца надвор’е?