§ 4-1. АТМАСФЕРА

Атмасфера ўяўляе сабой газавую абалонку Зямлі са змешчанымі ў ёй аэразольнымі часціцамі, якая рухаецца разам з Зямлёй у сусветнай прасторы як адзінае цэлае і адначасова ўдзельнічае ва кручэнні Зямлі. Палова ўсёй масы атмасферы сканцэнтравана ў ніжніх 5 км, тры чвэрці — у ніжніх 10 км, дзевяць дзясятых — у ніжніх 20 км.

icon Клуб географаў-знаўцаў. Палярныя ззянні ўказваюць на наяўнасць атмасферы на вышынях 1000 км і больш. Палёты спадарожнікаў на вышынях у некалькі тысяч кіламетраў таксама адбываюцца ў атмасферы, хоць і надзвычай разрэджанай. Вынікі назіранняў з дапамогай ракет і касмічных станцый сведчаць, што атмасфера распасціраецца да вышынь больш за 20 тыс км.