Біялогія. 11 клас

1. Што такое ген? Што ўяўляе сабой генетычны код?

2. Ахарактарызуйце ўласцівасці генетычнага кода.

3. Што ўяўляюць сабой стоп-кадоны? Якую ролю адыгрывае стартавы кадон А У Г?

4. Чаму амінакіслата кадзіруецца не адным і не двума, а трыма паслядоўна размешчанымі нуклеатыдам?

5*. Малекула мРНК пачынаецца з наступнай паслядоўнасці нуклеатыдаў: А У Г Г У А Ц Ц У У Г Г Ц А Ц… З якой паслядоўнасці амінакіслотных астаткаў пачынаецца бялок, закадзіраваны гэтай мРНК? Для адказу выкарыстайце табліцу генетычнага кода  (гл. табл. 23.1).

6*. Як вы думаеце, якое біялагічнае значэнне мае ўласцівасць выраджанасці генетычнага кода?

7*. Дзеянне некаторых фактараў (рэнтгенаўскіх праменяў, ультрафіялетавага выпраменьвання, пэўных хімічных рэчываў і інш.) ці памылкі, якія часам узнікаюць пры рэплікацыі, могуць прыводзіць да змянення паслядоўнасці нуклеатыдаў ДНК. Пры гэтым можа адбывацца ўстаўка ці выпадзенне нуклеатыдаў або замена адных нуклеатыдаў на другія. Як вы лічыце, якія змяненні часцей прыводзяць да парушэння нармальнага функцыянавання клетак (і нават да іх гібелі) — устаўкі і выпадзення або замены нуклеатыдаў ДНК? Абгрунтуйце адказ.